Shyǵys Qazaqstan oblysynyń politsiia qyzmetkerleri alapat órtke qatysty kúdiktini ustady, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, keshe Ridder orman sharýashylyǵynda shyqqan tilsiz jaýmen kúresýge 300-den astam politsei jumyldyrylǵan.
«QR Ishki ister ministri Erlan Turǵymbaevtyń buiryǵy boiynsha óńirdiń tártip saqshylary oqiǵa ornynda táýlik boiy kezekshilik uiymdastyryp, halyqqa kómek kórsetip jatyr. Qutqarýshylarmen birge qyzyl jalyndy aýyzdyqtaýǵa kirisip, Leshoz kentiniń turǵyndaryn evakýatsiialaýda», - delingen habarlamada.
Ridder qalalyq Politsiia bóliminiń jeke quramy túgeldei kúsheitilgen jumys rejimine kóshken. Sondai-aq órt oshaqtarynda 40-qa jýyq arnaiy tehnika jumys isteýde.
«Qazirgi ýaqytta atalǵan órt faktisi boiynsha kúdikti ustaldy. Qazaqstan Respýblikasy Qylmystyq kodeksiniń 204-baby 2-bóligine sáikes tergeý amaldary júrgizilýde», - delingen aqparatta.
Esterińizge sala ketsek, 10 mamyr kúni ShQO-daǵy Ridder orman sharýashylyǵynda órt shyqty. Dala órti 310 gektar aýmaqty sharpyp, 1 adam qaza tapty. Órtke bailanysty shuǵyl jeli iske qosyldy.
Memleket basshysy Úkimet pen Shyǵys Qazaqstan oblysynyń ákimdigi órtten zardap shekken Leshoz kentiniń turǵyndaryna kómek kórsetip, baspanamen qamtamasyz etýdi tapsyrdy.
