شىعىس قازاقستان وبلىسىنىڭ پوليتسييا قىزمەتكەرلەرٸ الاپات ٶرتكە قاتىستى كٷدٸكتٸنٸ ۇستادى, دەپ حابارلايدى "ۇلت اقپارات".
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, كەشە ريددەر ورمان شارۋاشىلىعىندا شىققان تٸلسٸز جاۋمەن كٷرەسۋگە 300-دەن استام پوليتسەي جۇمىلدىرىلعان.
«قر ٸشكٸ ٸستەر مينيسترٸ ەرلان تۇرعىمباەۆتىڭ بۇيرىعى بويىنشا ٶڭٸردٸڭ تەرتٸپ ساقشىلارى وقيعا ورنىندا تەۋلٸك بويى كەزەكشٸلٸك ۇيىمداستىرىپ, حالىققا كٶمەك كٶرسەتٸپ جاتىر. قۇتقارۋشىلارمەن بٸرگە قىزىل جالىندى اۋىزدىقتاۋعا كٸرٸسٸپ, لەسحوز كەنتٸنٸڭ تۇرعىندارىن ەۆاكۋاتسييالاۋدا», - دەلٸنگەن حابارلامادا.
ريددەر قالالىق پوليتسييا بٶلٸمٸنٸڭ جەكە قۇرامى تٷگەلدەي كٷشەيتٸلگەن جۇمىس رەجيمٸنە كٶشكەن. سونداي-اق ٶرت وشاقتارىندا 40-قا جۋىق ارنايى تەحنيكا جۇمىس ٸستەۋدە.
«قازٸرگٸ ۋاقىتتا اتالعان ٶرت فاكتٸسٸ بويىنشا كٷدٸكتٸ ۇستالدى. قازاقستان رەسپۋبليكاسى قىلمىستىق كودەكسٸنٸڭ 204-بابى 2-بٶلٸگٸنە سەيكەس تەرگەۋ امالدارى جٷرگٸزٸلۋدە», - دەلٸنگەن اقپاراتتا.
ەستەرٸڭٸزگە سالا كەتسەك, 10 مامىر كٷنٸ شقو-داعى ريددەر ورمان شارۋاشىلىعىندا ٶرت شىقتى. دالا ٶرتٸ 310 گەكتار اۋماقتى شارپىپ, 1 ادام قازا تاپتى. ٶرتكە بايلانىستى شۇعىل جەلٸ ٸسكە قوسىلدى.
مەملەكەت باسشىسى ٷكٸمەت پەن شىعىس قازاقستان وبلىسىنىڭ ەكٸمدٸگٸ ٶرتتەن زارداپ شەككەن لەسحوز كەنتٸنٸڭ تۇرعىندارىنا كٶمەك كٶرسەتٸپ, باسپانامەن قامتاماسىز ەتۋدٸ تاپسىردى.
