Shyǵys Qazaqstan oblysynda jylqyǵa soǵylǵan kólik júrgizýshisi kóz jumyp, 4 jolaýshy jaraqat aldy, dep habarlaidy QazAqparat.
ShQO politsiia departamenti baspasóz qyzmetiniń málimetine súiensek, jol-kólik oqiǵasy 20 shilde kúni tańǵy saǵat 04.20-da respýblikalyq mańyzy bar Omby-Maiqapshaǵai tasjolynyń Jarma aýdanyndaǵy tusynda bolǵan.
- «Toyota Crown» avtokóliginiń 21 jastaǵy júrgizýshisi úsh jylqyǵa soǵylǵan. Sonyń saldarynan júrgizýshi oqiǵa ornynda qaitys boldy. Al tórt jolaýshy, atap aitqanda 48 jáne 25 jastaǵy eki áiel, 25 jastaǵy er adam men 1 jasar bala túrli deńgeidegi jaraqattarmen meditsinalyq mekemege jetkizildi, - delingen aqparatta.
Atalǵan fakti boiynsha Qazaqstan Respýblikasy Qylmystyq Kodeksiniń 345-baby 3-bóligine sáikes sotqa deiingi tergeý bastaldy.
Birqatar sot-meditsinalyq saraptama taǵaiyndalyp, sonyń qorytyndysy boiynsha protsessýaldyq sheshim qabyldanady.
