Shyǵys Qazaqstan oblysynda biyl 890 tonna pishen órtengen, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, órt sóndirýshiler jyl basynan beri 890 tonna pishendi sharpyǵan qyzyl jalyndy aýyzdyqtady.
«Ótken eki aptada ǵana Katonqaraǵai aýdanynda - 14 tonna, Jarmada - 92, Úrjarda - 12, Altaida - 1 jáne Glýbokoe aýdanynda - 11 tonna shóp órtengen. Kóp jaǵdaida buǵan – otty abaisyz paidalaný jáne órt qaýipsizdigi talaptarynyń saqtalmaýy sebep bolýda», - delingen aqparatta.
Osy rette, TJD mamandary jem-shópti saqtaǵan kezde órt qaýipsizdiginiń erejelerin qaperde ustaý qajettigin eskertti. Atap aitqanda, pishendi durystap keptirip, janǵysh qoqystardan aýlaq jerge jinaý qajet.
