Shyǵys Qazaqstan oblysyndaǵy eki avtojolda qozǵalys shekteldi, dep habarlaidy "Ult aqparat".
«Qazavtojol» taratqan habarlamaǵa sáikes, aýa raiynyń nasharlap ketýine bailanysty Shyǵys Qazaqstan oblysyndaǵy «Almaty-Óskemen» jolynyń 778-967 km jolynda, Aiagóz qalasy-Qalbataý aýyly aimaǵynda júk jáne qoǵamdyq kólikterdiń qozǵalysyna tyiym salyndy.
Qalbataý aýyly-Qasym Qaisenov aýylynyń burylysy aimaǵynda, «Almaty-Óskemen» tasjolynyń 971-1068 kilometrinde barlyq kólik túriniń qozǵalysy toqtatyldy.
Aýa raiynyń nasharlap ketýine bailanysty (boran, kóriný nasharlaý) «Úsharal-Dostyq» tasjolynyń 83-184 km, Kóktuma aýyly-Dostyq aýyly mańynda júk kóligi men qoǵamdyq kóliktiń júrýine shekteý qoiyldy.
