Shyǵys Qazaqstan oblysy Glýbokoe aýdanynda jer úide gaz ballon jarylyp, áiel adam kóz jumdy, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, 4 sáýirde saǵat 06.43-te Veselovka kentindegi Lenin kóshesinde ornalasqan jeke turǵyn úide órt shyqqan. Oqiǵa ornyna birden órt sóndirýshiler attandy.
«Qutqarýshylar jetken kezde otqa oranǵan úidegi gaz ballony jaryldy. Týystary úide múgedek áiel bolýy múmkin ekendigin aitqan. Órt sóndirýshiler janyp jatqan turǵyn úige kirip, 1969 jylǵy áieldiń denesin taýyp aldy. Anyqtalǵandai, ol I top múgedegi bolǵan», - delingen habarlamada.
Aldyn ala málimet boiynsha órttiń shyǵýyna – elektr jabdyqtaryn paidalaný kezinde órt qaýipsizdigi talaptaryn saqtamaý sebep boldy. Jalpy aýdany 45 sharshy metrdi quraǵan tilsiz jaý kóp uzamai aýyzdyqtaldy. Órtt sóndirýge jeke quramnan 7 adam men 2 birlik tehnika jumyldyrylǵan.
Osy rette, departament mamandary órt qaýipsizdigi erejelerin buzýdyń qaiǵyly jaǵdaiǵa ákelip soǵýy múmkindigin eske salady.
