شىعىس قازاقستان وبلىسى گلۋبوكوە اۋدانىندا جەر ٷيدە گاز باللون جارىلىپ, ەيەل ادام كٶز جۇمدى, دەپ حابارلايدى "ۇلت اقپارات".
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 4 سەۋٸردە ساعات 06.43-تە ۆەسەلوۆكا كەنتٸندەگٸ لەنين كٶشەسٸندە ورنالاسقان جەكە تۇرعىن ٷيدە ٶرت شىققان. وقيعا ورنىنا بٸردەن ٶرت سٶندٸرۋشٸلەر اتتاندى.
«قۇتقارۋشىلار جەتكەن كەزدە وتقا ورانعان ٷيدەگٸ گاز باللونى جارىلدى. تۋىستارى ٷيدە مٷگەدەك ەيەل بولۋى مٷمكٸن ەكەندٸگٸن ايتقان. ٶرت سٶندٸرۋشٸلەر جانىپ جاتقان تۇرعىن ٷيگە كٸرٸپ, 1969 جىلعى ەيەلدٸڭ دەنەسٸن تاۋىپ الدى. انىقتالعانداي, ول I توپ مٷگەدەگٸ بولعان», - دەلٸنگەن حابارلامادا.
الدىن الا مەلٸمەت بويىنشا ٶرتتٸڭ شىعۋىنا – ەلەكتر جابدىقتارىن پايدالانۋ كەزٸندە ٶرت قاۋٸپسٸزدٸگٸ تالاپتارىن ساقتاماۋ سەبەپ بولدى. جالپى اۋدانى 45 شارشى مەتردٸ قۇراعان تٸلسٸز جاۋ كٶپ ۇزاماي اۋىزدىقتالدى. ٶرتت سٶندٸرۋگە جەكە قۇرامنان 7 ادام مەن 2 بٸرلٸك تەحنيكا جۇمىلدىرىلعان.
وسى رەتتە, دەپارتامەنت ماماندارى ٶرت قاۋٸپسٸزدٸگٸ ەرەجەلەرٸن بۇزۋدىڭ قايعىلى جاعدايعا ەكەلٸپ سوعۋى مٷمكٸندٸگٸن ەسكە سالادى.
