Shyǵys Qazaqstan oblysynda sý tasqynyna daiyndyq jumystary júrgizilýde, dep habarlaidy "Ult aqparat".
ShQO TJD baspasóz qyzmetiniń málimetine súiensek, oblystyń taý ózenderindegi qar mólsheri ortasha jyldyq normadan 20-50%-ǵa joǵary. Sondai-aq Shemonaiha, Shar qalalarynda jáne Shalabai, Semiiarka, Dmitrievka, Katonqaraǵai, Kókpekti, Samar aýyldarynda qar jamylǵysyndaǵy ylǵal qory normadan 1,5-2 esege artyq.
Qazirde oblystyń 3 qalasy men 15 aýdanynda sý tasqyny júrýi múmkin 108 eldi meken bar. Aldyn alý sharalarynyń nátijesinde 26-synda tasqyn qaýpi joiylsa, 52-sinde barynsha azaityldy. 30 eldi mekende sý tasqyny aýa raiy nasharlaǵan jaǵdaida ǵana bolýy múmkin.
«Búgingi tańda oblysta 246,7 myń tekshe metr qar shyǵaryldy. Turǵyn úilerdi erigen sýdan qorǵaý úshin ydys-qap pen inertti materialdar daiyndalǵan. Jaǵalaýdy bekitý jumystary júrgizilip, 118 shaqyrym aryq tazartyldy», - delingen vedomstvo málimetinde.
