Shyǵys Qazaqstan oblysy Kókpekti aýdanynda shyqqan dala órti eki kúnnen soń sóndirildi, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, 21 tamyzda Malinogorsk aýylynda shóp órtengen. Oqiǵa ornyna shuǵyl kelip jetken órt sóndirýshiler, jergilikti atqarýshy organ ókilderi men ormanshylar qyzyl jalyndy aýyzdyqtaýǵa kiristi.
«Tilsiz jaýdyń jalpy aýdany 40 sharshy metrge jetti. Órtke oranǵan orman aýmaǵy 4,2 gektardy quraǵan. Búgin saǵat 07.25 shamasynda ot tolyqtai sóndirildi. Órtpen kúreske jeke quramnan 151 adam men 18 tehnika jumyldyrylǵan», - dep habarlady vedomstvo ókilderi.
