Shyǵys Qazaqstan oblysynda karantindik shekteýler 6 maýsymǵa deiin uzartyldy, dep habarlaidy "Ult aqparat".
ShQO Bas memlekettik sanitarlyq dárigeriniń jańa qaýlysy jariialandy. Onda jazylǵandai, óńir boiynsha karantin 6 maýsymǵa deiin uzartyldy. Shekteý sharalarynyń merzimi oblys aýmaǵynda COVID-19 infektsiiasynyń taralýy boiynsha ahýaldyń ózgerýine sáikes qaita qaralýy múmkin.
Búginde COVID-19 juqtyrǵan naýqastardy emdeýge arnalǵan infektsiialyq statsionarlardaǵy tósek qorynyń toltyrylý deńgeii – 13,6%. Oblys boiynsha infektsiianyń reprodýktivtik R sany – 0,988.
Barlyq qala, aýdan ákimdikteri, memlekettik, quqyq qorǵaý jáne arnaiy organdar karantin talaptarynyń saqtalýyn qamtamasyz etýi tiis. 65 jastan asqan zeinetkerlerge jáne halyqtyń áleýmettik qorǵalatyn toptaryna birinshi kezekte qajetti taýarlardy, azyq-túlik pen dárilik zattardy jetkizýmen ainalysatyn eriktiler jumysy jalǵasýy qajet, - delingen qujatta.
