Qazirgi kezde Shyǵys Qazaqstan oblysynyń dini ǵimarattaryna barýǵa shekteý qoiylyp, meshitter men shirkeýlerde dini rásim ótkizýge tyiym salynǵan, - dep habarlaidy ShQO aqparat ortalyǵy.
Buǵan deiin aimaq basshysy Danial Ahmetov oblystaǵy dini konfessiia ókilderimen kezdesý ótkizip, onda koronavirýstyń aldyn alý maqsatynda engizilgen ýaqytsha shekteý sharalary talqylanǵan.
Dini birlestik basshylary Shyǵys Qazaqstan oblysy turǵyndarynan engizilgen ýaqytsha shekteýlerge túsinistikpen qaraýdy surap, olardyń árbir otbasy men el bolashaǵyn qaýipten saqtaý úshin qoldanyp otyrǵan shara ekenin túsindirdi. ShQO bas imamy Ermek Muqatai men Óskemen jáne Semei episkopy Amfilohii dinge senetin adamdarǵa úide duǵa etý jóninde keńes berdi.
Qazirgi kezde dini ǵimarattarda tek dini birlestik basshylary men tehnikalyq jumyskerler bar. Ǵimarat bólmeleri kún saiyn dezinfektsiialanýda.
Din isteri jónindegi basqarmanyń málimetinshe, ótkizilgen monitoring oblys turǵyndarynyń engizilgen shekteýlerge úlken jaýapkershilikpen qaraǵanyn kórsetti.
