Qarjy monitoringi agenttigi memleketke 10 milliard teńgeden astam shyǵyn keltirgen qylmystyq topty anyqtady, - dep habarlaidy "Ult aqparat".
Qarjy monitoringi agenttigi aqshany zańsyz jylystatýǵa qarsy belsendi kúresti elimizdiń barlyq aýmaǵynda júrgizedi.
Agenttik málimetinshe, Shyǵys Qazaqstan oblysy boiynsha aýmaqtyq departament jalǵan shot-faktýralardy zańsyz jazyp berýmen ainalysatyn qylmystyq topqa qatysty isti aiaqtady.
"Tergeý barysynda alty adamnan turatyn top 2014-2018 jyldar aralyǵynda 30 qolma-qol aqsha firmasyn quryp, oblys aýmaǵynda zańsyz qyzmet atqarǵan. Firmalardyń qyzmetkerler shtaty da, múlki de, qoima, úi-jailary da, óndiristik-tehnikalyq bazasy da bolmaǵan, olar belgilengen mekenjaida ornalaspaǵan", - delingen habarlamada.
Nominaldy basshylardyń eshqaisysy qarjy-sharýashylyq qyzmetpen ainalyspaǵan. Firmalarda býhgalterlik esep jáne salyq esebi júrgizilmegen.
Is júzinde kásiporyndar salyq tóleýden jaltarý maqsatynda «Rich Resýrs», «Tumar VKO», «Vos-Torg 1» kompaniialarymen taýarsyz shot-faktýralaryn, júkqujattaryn, sharttaryn zańsyz jazyp berý úshin paidalanǵan.
Memleketke keltirilgen zalaldyń jalpy somasy - 10,8 milliard teńge.
Sot úkimimen top músheleri – Zakir Islamov, Maksim Aleksandrov, Olesia Gaskova, Erbol Ýáliev, Erken Anýarov, Arman Madanov túrli jyldarǵa bas bostandyǵynan aiyryldy.
