قارجى مونيتورينگٸ اگەنتتٸگٸ مەملەكەتكە 10 ميلليارد تەڭگەدەن استام شىعىن كەلتٸرگەن قىلمىستىق توپتى انىقتادى, - دەپ حابارلايدى "ۇلت اقپارات".
قارجى مونيتورينگٸ اگەنتتٸگٸ اقشانى زاڭسىز جىلىستاتۋعا قارسى بەلسەندٸ كٷرەستٸ ەلٸمٸزدٸڭ بارلىق اۋماعىندا جٷرگٸزەدٸ.
اگەنتتٸك مەلٸمەتٸنشە, شىعىس قازاقستان وبلىسى بويىنشا اۋماقتىق دەپارتامەنت جالعان شوت-فاكتۋرالاردى زاڭسىز جازىپ بەرۋمەن اينالىساتىن قىلمىستىق توپقا قاتىستى ٸستٸ اياقتادى.
"تەرگەۋ بارىسىندا التى ادامنان تۇراتىن توپ 2014-2018 جىلدار ارالىعىندا 30 قولما-قول اقشا فيرماسىن قۇرىپ, وبلىس اۋماعىندا زاڭسىز قىزمەت اتقارعان. فيرمالاردىڭ قىزمەتكەرلەر شتاتى دا, مٷلكٸ دە, قويما, ٷي-جايلارى دا, ٶندٸرٸستٸك-تەحنيكالىق بازاسى دا بولماعان, ولار بەلگٸلەنگەن مەكەنجايدا ورنالاسپاعان", - دەلٸنگەن حابارلامادا.
نومينالدى باسشىلاردىڭ ەشقايسىسى قارجى-شارۋاشىلىق قىزمەتپەن اينالىسپاعان. فيرمالاردا بۋحگالتەرلٸك ەسەپ جەنە سالىق ەسەبٸ جٷرگٸزٸلمەگەن.
ٸس جٷزٸندە كەسٸپورىندار سالىق تٶلەۋدەن جالتارۋ ماقساتىندا «ريچ رەسۋرس», «تۇمار ۆكو», «ۆوس-تورگ 1» كومپانييالارىمەن تاۋارسىز شوت-فاكتۋرالارىن, جٷكقۇجاتتارىن, شارتتارىن زاڭسىز جازىپ بەرۋ ٷشٸن پايدالانعان.
مەملەكەتكە كەلتٸرٸلگەن زالالدىڭ جالپى سوماسى - 10,8 ميلليارد تەڭگە.
سوت ٷكٸمٸمەن توپ مٷشەلەرٸ – زاكير يسلاموۆ, ماكسيم الەكساندروۆ, ولەسيا گاسكوۆا, ەربول ۋەليەۆ, ەركەن انۋاروۆ, ارمان مادانوۆ تٷرلٸ جىلدارعا باس بوستاندىعىنان ايىرىلدى.
