Shyǵys Qazaqstan oblysynda sońǵy úsh kúnde 3 adam koronavirýs juqtyrǵan. Onyń ishinde eki jasóspirim bar, dep habarlaidy "Ult aqparat".
Búgin Semeide 2007 jyly týǵan taǵy bir oqýshyda koronavirýs anyqtalǵan bolatyn. Ol – buǵan deiin osy diagnozben statsionarǵa túsken 2006 jylǵy naýqastyń inisi. Qazirde infektsiialyq statsionarda jatqan naýqastyń jaǵdaiy ortasha. Osymen aimaq boiynsha juqpaly indetke shaldyqqandar sany 6 adamǵa jetip otyr.
Oblys ákimdigi turǵyndardyń úide bolýlaryn, qajetsiz syrtqa shyqpaýlaryn suraidy. Ásirese balalardyń qaýipsizdigin qamtamasyz etip, kóshede jáne úide jeke bas gigienasyn qatań saqtaý qajet.
Qazirde Óskemen men Semei qalalarynda qosymsha shekteýler engizilgen. Osynyń nátijesinde kólik aǵyny men dalada júrgen turǵyndar sany 50% deiin azaidy.
«Álem boiynsha koronavirýske qarsy vaktsina áli tabylǵan joq. Ózin-ózi oqshaýlaý jáne úide bolý COVID-19 virýsyn juqtyrmaýdyń jalǵyz tiimdi ádisi bolyp otyr», - dedi aimaq basshysy Danial Ahmetov.
