Semei qalasynda 2007 jyly týǵan bala koronavirýs juqtyrǵan, dep habarlaidy QazAqparat.
ShQO Densaýlyq saqtaý basqarmasynyń basshysy Iliias Muhamedjannyń aitýynsha, sońǵy úsh kúnde óńir boiynsha 3 adam koronavirýs juqtyrǵan. Onyń ishinde eki jasóspirim bar.
«Búgin Semeide 2007 jyly týǵan taǵy bir oqýshyda koronavirýs rastaldy. Ol buǵan deiin osy diagnozben statsionarǵa túsken 2006 jylǵy naýqastyń inisi. Onymen jaqyn bailanysta bolǵandyqtan 5 sáýirde COVID-19-ǵa tekserilgen. Nátijesi oń. Ekeýi de infektsiialyq statsionarǵa jatqyzyldy. Jaǵdailary ortasha», - deidi ol.
Osy rette, oblys ákimdigi turǵyndardyń úide bolýlaryn, qajetsiz syrtqa shyqpaýlaryn suraidy.
