Shyǵys Qazaqstan oblysynda qoǵamdyq tamaqtaný oryndary mereke kúnderi jumys isteidi, dep habarlaidy "Ult aqparat".
Búgin ShQO Bas memlekettik sanitarlyq dárigeri mindetin atqarýshynyń jańa qaýlysy jariialandy.
«Azyq-túlik satpaityn saýda obektileri, sýpermarketter, gipermarketter, saýda úileri, ǵimarat ishinde jáne ǵimarattan tys ornalasqan azyq-túlik satpaityn bazarlar (toltyrylýy 30%-dan aspaǵan jaǵdaida), menshik nysanyna qaramastan jabyq sport obektileri (sport keshenderi, sport mektepteri, sport klýbtary, klýb komandalarynyń jattyǵý zaldary), jabyq qurylystardaǵy muz aidyndary, fitnes-ortalyqtar, SPA ortalyqtar, monshalar, saýnalar, basseinder, kitaphanalar, murajailar jeksenbiden basqa kúnderi jumys isteidi. Sondai-aq mádeniet obektileri, sulýlyq salondary men shashtarazdar (aldyn ala jazylý boiynsha) aptasyna 6 kún ashyq bolady», - delingen qujatta.
Ǵimarat ishinde jáne ǵimarattan tys ornalasqan azyq-túlik bazarlary jeksenbiden basqa kúnderi saǵat 07.00-den 19.00-ge deiin jumys isteidi.
Esterińizge sala ketsek, óńirdegi karantindik shekteýler 30 jeltoqsanǵa deiin qaita uzartylǵan bolatyn. https://www.inform.kz/kz/shko-da-shekteu-sharalary-30-zheltoksanga-deyin-uzartyldy_a3730199 Shekteý sharalarynyń merzimi oblys aýmaǵynda COVID-19 infektsiiasynyń taralýy boiynsha ahýaldyń ózgerýine sáikes qaita qaralýy múmkin.
