12 naýryzda Ulan aýdanyna jaqyn mańdaǵy Bozanbai kentinen 7 shaqyrym jerdegi «Bozanbai-Ulan» tasjolynda júk tiegish qar qursaýynda qaldy, dep habarlaidy "Ult aqparat" ShQO Tótenshe jaǵdailar departamentine silteme jasap.
«Oqiǵa ornyna jol tańdamaityn tehnikamen, jeńil brondi shaǵyn tankimen kelgen qutqarýshylar tasjoldyń tazartylǵan ýchaskesinde qar qursaýynan 2 jolaýshysy bar frontaldy tiegishti súirep shyǵardy. Azamattar meditsinalyq kómekke muqtaj bolmady», delingen habarlamada.
Qutqarýshylar sondai-aq 12-14 naýryz aralyǵynda Shyǵys Qazaqstan oblysynda qatty boran soǵatynyn eskertti. Óńirde qalyń qar jaýyp, kóktaiǵaq bolady.
Oblystyq TJD azamattarǵa aýa raiyna bailanysty eskertý jariialanǵanda eldi mekennen shyqpaýǵa, aýa raiy men joldaǵy jaǵdaiy týraly «Dármen» mobildi qosymshasynan qarap otyrýǵa keńes berdi.
