12 ناۋرىزدا ۇلان اۋدانىنا جاقىن ماڭداعى بوزانباي كەنتٸنەن 7 شاقىرىم جەردەگٸ «بوزانباي-ۇلان» تاسجولىندا جٷك تيەگٸش قار قۇرساۋىندا قالدى, دەپ حابارلايدى "ۇلت اقپارات" شقو تٶتەنشە جاعدايلار دەپارتامەنتٸنە سٸلتەمە جاساپ.
«وقيعا ورنىنا جول تاڭدامايتىن تەحنيكامەن, جەڭٸل بروندٸ شاعىن تانكٸمەن كەلگەن قۇتقارۋشىلار تاسجولدىڭ تازارتىلعان ۋچاسكەسٸندە قار قۇرساۋىنان 2 جولاۋشىسى بار فرونتالدى تيەگٸشتٸ سٷيرەپ شىعاردى. ازاماتتار مەديتسينالىق كٶمەككە مۇقتاج بولمادى», دەلٸنگەن حابارلامادا.
قۇتقارۋشىلار سونداي-اق 12-14 ناۋرىز ارالىعىندا شىعىس قازاقستان وبلىسىندا قاتتى بوران سوعاتىنىن ەسكەرتتٸ. ٶڭٸردە قالىڭ قار جاۋىپ, كٶكتايعاق بولادى.
وبلىستىق تجد ازاماتتارعا اۋا رايىنا بايلانىستى ەسكەرتۋ جارييالانعاندا ەلدٸ مەكەننەن شىقپاۋعا, اۋا رايى مەن جولداعى جاعدايى تۋرالى «دەرمەن» موبيلدٸ قوسىمشاسىنان قاراپ وتىرۋعا كەڭەس بەردٸ.
