Shyǵys Qazaqstan oblysy Glýbokoe aýdanynda qar keshkish aýdarylyp túsip, 8 jasar qyz qaza boldy, dep habarlaidy "Ult aqparat".
«Aqpan aiynyń 5-i kúni Maloýbinka aýylynyń 35 jastaǵy turǵyny eldi mekenniń shetinde qar keshkish kólikpen kele jatyp, aýdarylyp qalǵan. Osynyń saldarynan dene jaraqatyn alǵan 2012 jyly týǵan qyz oqiǵa ornynda kóz jumdy», - dep habarlady ShQO politsiia departamentiniń baspasóz qyzmeti.
Qazirgi ýaqytta atalǵan fakti boiynsha tiisti saraptamalar taǵaiyndalǵan. Tártip saqshylary tergeý amaldaryn júrgizip jatyr.
