Shyǵys Qazaqstan oblysyndaǵy Altai aýdanynda 70 tonnadan astam pishen janyp ketti, dep habarlaidy QazAqparat.
ShQO Tótenshe jaǵdailar departamenti baspasóz qyzmetiniń málimetine súiensek, órt keshe keshki ýaqytta Altai aýdanyndaǵy sharýa qojalyǵynyń aýmaǵynda shyqqan. Tilsiz jaý 73 tonna pishendi sharpyǵan.
«Órt sóndirýshiler oqiǵa ornyna shuǵyl kelip jetti. Kóp uzamai tolyqtai aýyzdyqtalǵan órttiń sharýashylyq qora-jailarǵa taralýyna jol berilmedi. Qyzyl jalynnyń shyǵýyna ne sebep bolǵany ázirge belgisiz», - dep habarlady vedomstvo ókilderi.
Aita keteiik, órtti óshirýge jeke quramnan 12 adam, 4 tehnika men sharýa qojalyǵynyń júk tiegishi jumyldyrylǵan.
