Shyǵys Qazaqstan oblysynda 15 sáýirden bastap keń aýqymdy «Saiǵaq» tabiǵat qorǵaý aktsiiasy bastaldy, dep habarlaidy "Ult aqparat".
Brakonerlikpen kúresý jáne zańsyz ań aýlaýǵa, ósimdikter men janýarlar túrlerin ótkizý, tasymaldaýǵa qarsy is-qimyl jumystaryn kúsheitý maqsatynda QR Ekologiia, geologiia jáne tabiǵi resýrstar, QR Ishki ister ministrlikteri jáne QR Ulttyq qaýipsizdik komiteti 15 sáýir men 15 mamyr jáne 1 jeltoqsan men 31 jeltoqsan aralyǵynda keń aýqymdy «Saiǵaq» tabiǵat qorǵaý aktsiiasyn ótkizý týraly buiryqqa qol qoidy. Buiryq sheńberinde aktsiiany ótkizý kezinde tabiǵat qorǵaý, politsiia, jáne ózge de organdardyń birlesken is-qimyl jospary bekitilgen.
«Biyl Shyǵys Qazaqstan aýmaǵynda atalǵan aktsiia ekinshi jyl ótkizilmek. Bul dala bókenderiniń sany artyp, Qaraǵandy jáne Pavlodar oblystarynyń shekaralas aýdandarynan óńir aýmaǵyna kirip qana qoimai, sońǵy jyldary onyń Aiagóz aýdanynda jáne Semei qalasynda mekendegeni baiqalady. Búgingi kúni ShQO orman sharýashylyǵy jáne janýarlar dúniesi aýmaqtyq inspektsiiasy, ShQO Politsiia departamenti, «Ohotzooprom» RMKK qyzmetkerlerimen tabiǵat qorǵaý zańnamalaryn buzýshylyq faktilerin anyqtaý jáne jolyn kesý boiynsha reidtik is-sharalardy júzege asyrý úshin mobildi toptar qurylǵan», - dep habarlady oblystyq Aqparat ortalyǵy.
Aktsiiaǵa atalǵan uiymdardyń inspektorlyq quramy, ótimdiligi joǵary avtokólikter men qajetti quraldar tartylady.
Aita keteiik, Qazaqstan Respýblikasynyń búkil aýmaǵynda kiikterdi atýǵa 2023 jylǵa deiin tyiym salynǵan. Kiik atqandar múlki tárkilene otyryp, 3 jyldan 12 jylǵa deiin bas bostandyǵynan aiyrylady.
