شىعىس قازاقستان وبلىسىندا 15 سەۋٸردەن باستاپ كەڭ اۋقىمدى «سايعاق» تابيعات قورعاۋ اكتسيياسى باستالدى, دەپ حابارلايدى "ۇلت اقپارات".
براكونەرلٸكپەن كٷرەسۋ جەنە زاڭسىز اڭ اۋلاۋعا, ٶسٸمدٸكتەر مەن جانۋارلار تٷرلەرٸن ٶتكٸزۋ, تاسىمالداۋعا قارسى ٸس-قيمىل جۇمىستارىن كٷشەيتۋ ماقساتىندا قر ەكولوگييا, گەولوگييا جەنە تابيعي رەسۋرستار, قر ٸشكٸ ٸستەر مينيسترلٸكتەرٸ جەنە قر ۇلتتىق قاۋٸپسٸزدٸك كوميتەتٸ 15 سەۋٸر مەن 15 مامىر جەنە 1 جەلتوقسان مەن 31 جەلتوقسان ارالىعىندا كەڭ اۋقىمدى «سايعاق» تابيعات قورعاۋ اكتسيياسىن ٶتكٸزۋ تۋرالى بۇيرىققا قول قويدى. بۇيرىق شەڭبەرٸندە اكتسييانى ٶتكٸزۋ كەزٸندە تابيعات قورعاۋ, پوليتسييا, جەنە ٶزگە دە ورگانداردىڭ بٸرلەسكەن ٸس-قيمىل جوسپارى بەكٸتٸلگەن.
«بيىل شىعىس قازاقستان اۋماعىندا اتالعان اكتسييا ەكٸنشٸ جىل ٶتكٸزٸلمەك. بۇل دالا بٶكەندەرٸنٸڭ سانى ارتىپ, قاراعاندى جەنە پاۆلودار وبلىستارىنىڭ شەكارالاس اۋداندارىنان ٶڭٸر اۋماعىنا كٸرٸپ قانا قويماي, سوڭعى جىلدارى ونىڭ اياگٶز اۋدانىندا جەنە سەمەي قالاسىندا مەكەندەگەنٸ بايقالادى. بٷگٸنگٸ كٷنٸ شقو ورمان شارۋاشىلىعى جەنە جانۋارلار دٷنيەسٸ اۋماقتىق ينسپەكتسيياسى, شقو پوليتسييا دەپارتامەنتٸ, «وحوتزووپروم» رمكك قىزمەتكەرلەرٸمەن تابيعات قورعاۋ زاڭنامالارىن بۇزۋشىلىق فاكتٸلەرٸن انىقتاۋ جەنە جولىن كەسۋ بويىنشا رەيدتٸك ٸس-شارالاردى جٷزەگە اسىرۋ ٷشٸن موبيلدٸ توپتار قۇرىلعان», - دەپ حابارلادى وبلىستىق اقپارات ورتالىعى.
اكتسيياعا اتالعان ۇيىمداردىڭ ينسپەكتورلىق قۇرامى, ٶتٸمدٸلٸگٸ جوعارى اۆتوكٶلٸكتەر مەن قاجەتتٸ قۇرالدار تارتىلادى.
ايتا كەتەيٸك, قازاقستان رەسپۋبليكاسىنىڭ بٷكٸل اۋماعىندا كيٸكتەردٸ اتۋعا 2023 جىلعا دەيٸن تىيىم سالىنعان. كيٸك اتقاندار مٷلكٸ تەركٸلەنە وتىرىپ, 3 جىلدان 12 جىلعا دەيٸن باس بوستاندىعىنان ايىرىلادى.
