Shyǵys Qazaqstan oblysynda aýyldyq okrýg ákimi sailaýyna 77 úmitker túsip otyr, dep habarlaidy "Ult aqparat".
ShQO Aqparat ortalyǵynyń málimetine súiensek, úmitkerlerdiń eń kóp sany Úrjar aýdanynyń Maqanshy, Katonqaraǵai aýdanynyń Belqaraǵai jáne Glýbokoe aýdanynyń Ýshanov aýyldyq okrýkterinde tirkelgen. Atalǵan okrýgterde tórt adamnan, 72 sailaý okrýginde úsh adamnan, qalǵan 2 sailaý okrýginde 2 kandidattan sailaýǵa túsip otyr.
«Kandidattardyń jalpy sanynyń ishinde 171 er adam jáne 61 áiel adam. Úmitkerlerdiń ortasha jasy - 44. Eń jas kandidat 26 jasta, ol Altai aýdany Turǵynyn aýyldyq okrýginiń ákimdigine úmitker. Al 61 jastaǵy eń jasy úlken kandidat Úrjar aýdany Maqanshy aýyldyq okrýginiń ákimi laýazymyna daýysqa túsedi», - delingen habarlamada.
Kókpekti aýdanynyń Palatsyn jáne Shemonaiha aýdany Vydriha aýyldyq okrýkterinde aýyl ákimine úsh áielden úmitker bolyp otyr.
