Shyǵys Qazaqstan oblysy Glýbokoe aýdanynda ata-anasy mas bolyp jatqanda 3 jasar bala terezege qystyrylyp qalyp, bir saǵattai jylap turdy, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, politsiiaǵa habarlasqan azamat 28 jastaǵy áieldiń kámeletke tolmaǵan balalaryna qaramaityndyǵyn aitty. Tártip saqshylary muny tekserý úshin kórsetilgen úige attanǵan.
Olar oqiǵa ornyna jetkende erli-zaiyptylar ishimdikke masaiyp uiyqtap jatty. Al 3 jasar balalary eki terezeniń ortasynda qystyrylyp turǵan.
«Belgili bolǵandai, búldirshin terezege qystyrylǵan mysyqty alyp shyǵýǵa árekettengen. Alaida ózi de eki terezeniń ortasyna túsip, 1 saǵattai jylap turdy. Onyń 4 jastaǵy aǵasy ata-analarynan kómek surap talai márte aiqailaǵanymen odan esh nátije shyqpaǵan», - delingen aqparatta.
Áiel adam bala tárbiesimen durys ainalyspaǵany úshin osyǵan deiin de esepke alynǵan. Atalǵan oqiǵadan keiin erli-zaiypty ata-analyq quqyǵynan aiyrylýy múmkin. Qazirgi ýaqytta balalar Óskemen qalasyndaǵy kámeletke tolmaǵandardy beiimdeý ortalyǵyna ornalastyryldy.
