Shyǵys Qazaqstan oblysynda júk kóligi avtobýspen soqtyǵysyp, 8 bala zardap shekti, dep habarlaidy "Ult aqparat".
«Oblystyq densaýlyq saqtaý basqarmasynyń habarlaýynsha, qazirgi ýaqytta jedel járdem jol apatyna tap bolǵandardyń barlyǵyn tekserý úshin aýrýhanaǵa apara jatyr. Kóz jumǵan eshkim joq. 8 adam zardap shekken», - deidi ShQO ákimdiginiń qyzmetkerleri.
ShQO politsiia departamenti baspasóz qyzmetiniń málimdeýinshe, qoǵamdyq kólikte 53 jolaýshy otyrǵan, onyń 46-sy - bala.
Eske sala keteiik, búgin tańerteń Shyǵys Qazaqstan oblysynda balalar otyrǵan avtobýs jol apatyna ushyrady. Oqiǵa búgin Glýbokoe aýdany Praporshikovo aýylyndaǵy «Óskemen-Shemonaiha» tasjolynda bolǵan. Balalar sport jarysyna qatysý úshin avtobýspen oblys ortalyǵynan Shemonaiha aýdanyna bara jatqan.
Aldyn ala málimet boiynsha, Howo júk kóligi qarsy jolaqqa shyǵyp ketip, qoǵamdyq kólikpen soqtyǵysqan.
