Shyǵys Qazaqstan oblysy Altai aýdanynda anasymen janjaldasqan 45 jastaǵy er adam asylyp qalmaq boldy, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, 27 shilde kúni Jańa Buqtyrma kentiniń 66 jastaǵy turǵyny politsiiaǵa habarlasyp, ulynyń joǵalyp ketkenin jetkizdi.
«Anyqtalǵandai, aryzdanýshy óz otbasymen Buqtyrma sý qoimasyndaǵy demalys bazalarynyń birine kelgen. Demalys kezinde anasy men ulynyń arasynda kikiljiń týyndap, 45 jastaǵy er adam kóligimen belgisiz jaqqa ketip qalǵan. Biraz ýaqyttan keiin ol sheshesine WhatsApp messendjeri arqyly óz ózine qol jumsaityndyǵy jaily habarlama jiberdi», - delingen aqparatta.
Jedel-izdestirý sharalary barysynda politsiia qyzmetkerleri «Kók shyǵanaq» demalys ornynyń mańyndaǵy taýda asylyp qalmaq bolǵan er adamdy taýyp aldy. Sondai-aq onyń alkogoldi ishimdik ishkeni belgili boldy.
Tártip saqshylary azamatty politsiia bólimine jetkizip, túsindirý jumystaryn júrgizgen. Qazirgi ýaqytta Altai aýdanynyń turǵyny týystaryna tapsyryldy.
