شىعىس قازاقستان وبلىسى التاي اۋدانىندا اناسىمەن جانجالداسقان 45 جاستاعى ەر ادام اسىلىپ قالماق بولدى, دەپ حابارلايدى "ۇلت اقپارات".
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 27 شٸلدە كٷنٸ جاڭا بۇقتىرما كەنتٸنٸڭ 66 جاستاعى تۇرعىنى پوليتسيياعا حابارلاسىپ, ۇلىنىڭ جوعالىپ كەتكەنٸن جەتكٸزدٸ.
«انىقتالعانداي, ارىزدانۋشى ٶز وتباسىمەن بۇقتىرما سۋ قويماسىنداعى دەمالىس بازالارىنىڭ بٸرٸنە كەلگەن. دەمالىس كەزٸندە اناسى مەن ۇلىنىڭ اراسىندا كيكٸلجٸڭ تۋىنداپ, 45 جاستاعى ەر ادام كٶلٸگٸمەن بەلگٸسٸز جاققا كەتٸپ قالعان. بٸراز ۋاقىتتان كەيٸن ول شەشەسٸنە WhatsApp مەسسەندجەرٸ ارقىلى ٶز ٶزٸنە قول جۇمسايتىندىعى جايلى حابارلاما جٸبەردٸ», - دەلٸنگەن اقپاراتتا.
جەدەل-ٸزدەستٸرۋ شارالارى بارىسىندا پوليتسييا قىزمەتكەرلەرٸ «كٶك شىعاناق» دەمالىس ورنىنىڭ ماڭىنداعى تاۋدا اسىلىپ قالماق بولعان ەر ادامدى تاۋىپ الدى. سونداي-اق ونىڭ الكوگولدٸ ٸشٸمدٸك ٸشكەنٸ بەلگٸلٸ بولدى.
تەرتٸپ ساقشىلارى ازاماتتى پوليتسييا بٶلٸمٸنە جەتكٸزٸپ, تٷسٸندٸرۋ جۇمىستارىن جٷرگٸزگەن. قازٸرگٸ ۋاقىتتا التاي اۋدانىنىڭ تۇرعىنى تۋىستارىنا تاپسىرىلدى.
