Shyǵys Qazaqstan oblysynda 900-den astam sintetikalyq esirtki dozasy tárkilenip, esirtkini jarnamalaýshylar toby jáne sintetikalyq esirtkini jetkizýshi ustaldy, dep habarlaidy "Ult aqparat" Polisia.kz saityna silteme jasap.
Shyǵys Qazaqstan oblysynyń politseileri birqatar jedel-izdestirý is-sharalaryn júrgizdi, onyń nátijesinde esirtkini nasihattaý jáne jarnamalaýmen ainalysatyn eki adam, sondai-aq sintetikalyq zattardy «qoiyp ketýdi» júzege asyrǵan er adam ustaldy.
Turǵyn úi ǵimarattarynyń syrtyna esirtki taratýǵa qatysy bar internet-dúkender saittarynyń attaryn jazý úshin Altai aýdany Serebriansk qalasyna arnaiy kelgen Semei qalasynyń eki turǵyny anyqtaldy. Olar eshkimniń kózine túspeý úshin turǵyn úilerge sait ataýlaryn táýliktiń qarańǵy ýaqytynda jazǵan. Politsiia qyzmetkerleri «jarnamashylardy» qylmys ústinde ustady, olardan boiaý ballondary tárkilenip alyndy.
Ustalǵandardyń aitýy boiynsha, osyndai graffiti sýretterdi jazǵandary úshin olarǵa áleýmettik jeli arqyly sóilesken belgisiz adamdar belgili bir aqsha somasyn tóleýge ýáde etken. Endi tabystyń ornyna olarǵa qylmystyq jaýapkershilikke tartylý qaýpi tónip tur.
