Shyǵys Qazaqstan oblysynda politsiia qyzmetkerleri 3 jezókshelik pritondy anyqtady, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, tártip saqshylary óńir aýmaǵynda «Stop-trafik» jedel-aldyn alý sharasyn júrgizdi.
Mundaǵy maqsat – jeńgetailyq pen priton uiymdastyrý faktileriniń jolyn kesýge, jezókshelikpen ainalysatyn adamdardy anyqtaýǵa jáne olardy ortalyqtandyrylǵan esepke qoiý.
«Politseiler oiyn-saýyq oryndaryn, monsha keshenderin, saýnalardy, jalǵa beriletin páterler men qonaq úilerdi tekserdi. Jedel aldyn alý sharasynyń qorytyndysy boiynsha Óskemen jáne Semei qalalaryndaǵy 3 monsha kesheni ákimshileriniń jezókshelikpen ainalysýǵa arnalǵan priton ustaǵany anyqtaldy. Qazirgi ýaqytta olarǵa qatysty QR QK 309-babyna sáikes sotqa deiingi tergeý amaldary júrgizilýde. Kúdiktiler óz kinásin moiyndap otyr. Endi olar 5 jylǵa deiin bas bostandyǵynan aiyrylýy múmkin», - delingen habarlamada.
Sonymen qatar jezókshelikpen ainalysýǵa tartýdyń 1 faktisi tirkelgen.
Budan bólek, QR ÁQBtK-niń 449-baby 1-bóligi (qoǵamdyq oryndarda tiisý) boiynsha 28 adam ákimshilik jaýapkershilikke tartyldy. Profilaktikalyq esepke 7 adam qoiylǵan.
