- Vena balynda shyǵysqazaqstandyq talantty jastardy oblys ákiminiń syilyǵymen marapattady. Vena baly úlgisinde uiymdastyrylǵan «Bizdiń №1» XVI óńirlik forýmy 2016 jylǵy jastar saiasaty jumysyn qorytyndylaýdyń erekshe túrine ainaldy.
Oǵan 300 jumysshy jáne aýyl jastarynyń ókilderi, jastar uiymdarynyń belsendileri, memlekettik qyzmetshiler, jýrnalister qatysty, dep habarlaidy «QazAqparat HAA tilshisi óńirdiń ishki saiasat basqarmasyna silteme jasap.
Búgin Óskemende ótken «Bizdiń №1»/«Nash №1»/«Our №1» jastar forýmy Qazaqstan Respýblikasy Táýelsizdiginiń 25 jyldyǵy jáne Tuńǵysh Prezident kúnine arnaldy.
Uiymdastyrýshylar biyl forýmnyń úlgisi jas belsendilerdiń qalaýymen ózgertilgenin atap ótti. Forýmnyń alǵashqy bóliminde bos ýaqytty durys uiymdastyrýǵa kómektesý, aýyl jastaryn belsene jumys isteýge yntalandyratyn sharalar, kásiporyndarda jastar ligasynyń quqyqtyq tirkeý máselelerin, olardyń qyzmetteriniń aspektilerin naqtylaýǵa arnalǵan treningter men seminarlar ótti.
Vena baly forýmnyń saltanatty bólimi retinde kórinis tapty. Jastar keshki sándi kiimderin kiip, ShQO ákimi simfoniialyq orkestriniń oryndaýyndaǵy klassikalyq vals, polonez, kadril bilerin biledi.
ShQO Ishki saiasat basqarmasy basshysynyń orynbasary Serik Jeńisov Óskemendegi kesh qonaqtaryn quttyqtai kele, Vena balynda óńirdiń aldyńǵy qatarly jastary jinalǵanyn atap ótti. «Sizder ártúrli salada jumys jasai otyryp, óńir jáne el damýyna mindetti túrde óz úlesterińizdi qosasyzdar. Biz Elbasymen birge Táýelsizdigimizdiń tuǵyryn ary qarai biiktetýimiz kerek», - dep málimdedi S. Jeńisov.
Dástúr boiynsha memlekettik jastar saiasatyn iske asyrýǵa qosqan úlesi úshin birneshe sanatta marapattaý rásimi ótti: «Jyldyń jas kóshbasshysy», «Jyldyń stýdentter kóshbasshysy», «Jas kásipqoi», «Jyldyń jas jýrnalisi», «Jyldyń jas naýqany», «Jas otbasy».
