12 sáýirden bastap Shyǵys Qazaqstan oblysynda órtke qaýipti maýsym bastaldy. Búgingi kúni 682 ga aýmaqta 31 qurǵaq shóptiń tutaný oqiǵasy boldy, dep habarlaidy "Ult aqparat" Shyǵys Qazaqstan oblysy Tótenshe jaǵdailar departamentiniń baspasóz qyzmetine silteme jasap.
Ormandy-dalalyq órttiń aldyn alý maqsatynda ShQO TJD qyzmetkerleri turǵyndar arasynda qurǵaq shóptiń tutanýyn boldyrmaý úshin reidter men nusqaýlar júrgizýde. TJD, jergilikti politsiia, orman sharýashylyǵy, jergilikti atqarýshy organ qyzmetkerleri qatarynan órt qaýipsizdigi talaptaryn saqtamaǵandardy anyqtaý úshin arnaiy mobildi toptar quryldy. Oblysta jergilikti atqarýshy organdar qarajatynan qamtamasyz etiletin 85 órt beketi bar.
Kóbinese tutaný adamdardyń órt qaýipsizdi erejelerin saqtaýǵa nemqurailylyǵynan bolady.
ShQO TJD shópti tutatý men ot jaǵý faktileri «Ákimshilik quqyq buzýshylyq týraly» Qazaqstan Respýblikasy Kodeksi boiynsha qaralatynyn eske salady. 336-bap: «Ónerkásiptik jáne turmystyq qaldyqtardy jinap qoiý qaǵidalaryn buzý, kórsetilgen qaldyqtardy jaǵý kezinde atmosferalyq aýany qorǵaý jáne órt qaýipsizdigi jónindegi talaptardy saqtamaý – eskertý jasaýǵa nemese jeke tulǵalarǵa – úsh, laýazymdy adamdarǵa – jiyrma, shaǵyn kásipkerlik sýbektilerine nemese kommertsiialyq emes uiymdarǵa – qyryq, orta kásipkerlik sýbektilerine – jetpis, iri kásipkerlik sýbektilerine bir júz jiyrma ailyq eseptik kórsetkish mólsherinde aiyppul salýǵa ákep soǵady».
Sonymen qatar QR Qylmystyq Kodeksiniń 204-baby boiynsha abaisyzda jasap, iri zalal keltirip bótenniń múlkin joiý nemese buldirý júz AEK kóleminde nemese sol kólemde qoǵamdyq jumystardy qarastyrady.
Mobildi toptar júrgizgen reidter nátijesinde Shyǵys Qazaqstanda 175 adam órt qaýipsizdigi erejelerin saqtamaǵany úshin ákimshilik jaýapqa tartyldy.
Tutanýdyń aldyn alý úshin kelesi talaptardy saqtańyz:
- Úi mańyn qurǵaq shóp pen janatyn turmystyq qaldyqtardan tazartyńyz;
- Óz ýchaskeńizde ot jaqpańyz;
- Ashyq otty qoldanýmen bailanysty elektrmen pisirý jáne basqa jumystardy júrgizý barysynda órt qaýipsizdigi erejeleri men normalaryn saqtańyz;
- Eldi mekender, kásiporyndar men uiymdar aýmaǵynda qurǵaq shóp pen janatyn qoqysty órtemeńiz;
- Temeki tuqylynyń arnaiy belgilengen jerge tastalǵanyn, onyń aiaǵyna deiin sóndirilgenin qadaǵalaǵyz;
- Balalarǵa sirińkemen oinýǵa ruqsat etpeńiz.
