Shyǵys Qazaqstan oblysynda Tuńǵysh Prezident kúni atap ótilýde, dep habarlaidy QazAqparat.
ShQO-da mereke qarsańynda birqatar áleýmettik nysan saltanatty túrde ashyldy. Sonymen qatar 150-den astam otbasy qonys toiyn toilady. Aimaq basshysy Danial Ahmetov Óskemen qalasynda kópbalaly otbasylarǵa, jetim balalarǵa, sondai-aq kezekte turǵandarǵa 30 jańa páterdiń kiltin tabys etti.
Kýrchatov qalasynda 14 kópbalaly ana jańa páterge ie boldy. Sondai-aq Besqaraǵai aýdanynda áleýmettik osal sanattaǵy 16 otbasy jańa úilerine kóshti. Zaisan aýdanynda 36 kópbalaly otbasy qonys toiyn toilaýda, olar úshin «Shyǵys» baǵdarlamasy aiasynda bir qabatty úiler salynǵan.
Mereke qarsańynda Jarma aýdany Jańǵyztóbe kentiniń turǵyndary da qýanyshqa keneldi. Onda aýyl klýby men demalys saiabaǵy ashyldy. Al Tuńǵysh Prezident kúnine orai Kókpekti aýdanynyń turǵyndary úshin kópten kútken dene shynyqtyrý-saýyqtyrý kesheni ashyldy.
«Budan bólek, óńirde birneshe sport nysany ashyldy. Abai aýdany Qaraýyl aýylynda hokkei korty iske qosyldy. Onda balalar tek hokkei oinap qana qoimai, konki tebe alady. Sondai-aq jaqyn arada paidalanýǵa berilgen sport mektebi jumys istei bastaidy. Aiagóz aýdany Aqtoǵai kentinde dene shynyqtyrý-saýyqtyrý kesheni paidalanýǵa berildi. Jarma aýdanynyń Birlik aýylynda jańa sport alańy ashyldy. Ulan aýdany Mamai Batyr aýylynda jańa kópir paidalanýǵa berildi», - delingen ShQO Aqparat ortalyǵy taratqan málimette.
Katonqaraǵai aýdanynda 20 otbasy «Jumyspen qamtý jol kartasy» aiasynda salynǵan úilerdiń kiltterin aldy. Kishinaryn jáne Maiemer aýyldarynda aýyldyq klýbtar, al Úlken Naryn aýylynda Abai atyndaǵy skver ashyldy.
Sonymen qatar Jarma aýdanynda kezekte turǵan 50 otbasy baspanaly boldy. Al Borodýliha aýdanynda 4 kópbalaly otbasyǵa úi berildi. Altai aýdanynda turatyn 6 otbasy «Qoljetimdi baspana» baǵdarlamasy aiasynda salynǵan jańa birqabatty úilerge qonystandy.
