Shyǵys Qazaqstan oblysynda 14 jylqy urlaǵan 3 barymtashy ustaldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, tártip saqshylary «Mal urlyǵy» jedel aldyn alý sharasy barysynda Abai aýdanyndaǵy qylmystyq topty ustady. 3 er adam aldyn ala sóz bailasyp, jylqy urlaýmen ainalysqan.
«Belgili bolǵandai, olar 2020 jyldan bastap osy ýaqytqa deiin aýdan turǵyndaryna tiesili 14 jylqyny aidap áketip, 5 mln teńgeden astam materialdyq shyǵyn keltirdi. Kúdiktilerdiń biriniń qystaǵyn tekserý kezinde zattai dáleldemeler – mal terileri men tuiaqtary tabyldy», - delingen habarlamada.
1975, 1981 jáne 1998 jylǵy er adamdarǵa qatysty QR QK-niń 188-baby 1-bóligi 2-tarmaǵyna sáikes sotqa deiingi tergeý amaldary júrgizilýde. Olar 7 jylǵa deiin bas bostandyqtarynan aiyrylýy múmkin. Qylmystyq toptyń ózge músheleriniń bar-joǵy anyqtalýda.
