Shyǵys Qazaqstan oblysynda koronavirýsty juqtyrǵan besinshi adam Semei qalasynyń turǵyny bolyp shyqty, dep habarlaidy "Ult aqparat".
Aita keteiik, búgin elimizdiń 3 oblysynda kornavirýs juqtyrýdyń 20 jaǵdaiy tirkelgendigi málim boldy. Onyń ishinde Shyǵys Qazaqstan oblysynan qaýipti virýsty 1 adam juqtyrǵan bolatyn.
ShQO Densaýlyq saqtaý basqarmasynyń basshysy Iliias Muhamedjannyń aitýynsha, ol 2006 jyly týǵan Semei qalasynyń turǵyny.
«Naýqas 30 naýryzdan bastap aýyrǵan. Boiyn álsizdik bilep, qurǵaq jótel paida bolyp, dene qyzýy 38 gradýsqa deiin kóterilgen. 3 sáýir kúni oǵan rentgenografiialyq tekserý júrgizildi. Qorytyndysy boiynsha patsientke «pnevmoniia» diagnozy qoiylǵan. Algoritm boiynsha ol COVID-19-ǵa da tekserildi. Alynǵan synama nátijesi oń bolyp shyqty», - deidi ol.
Juqpaly dertke shaldyqqan bala jáne onyń otbasy músheleri, jaqyn týystary basqa elge shyqpaǵan.
«Qazirgi ýaqytta naýqastyń jaǵdaiy ortasha. Onymen bailanysta bolǵan 51 adam anyqtalyp otyr. Olardyń barlyǵy oqshaýlandy. Patsienttiń turǵylyqty jeri boiynsha dezinfektsiia jumystary júrgizildi», - deidi Iliias Muhamedjan.
