Shyǵys Qazaqstan oblysynda 100 keliden astam esirtki saýdalaǵan eki adam sottaldy, dep habarlaidy "Ult aqparat" QR UQK baspasóz qyzmetine silteme jasap.
QR UQK Shyǵys Qazaqstan oblysy boiynsha departamenti esirtkiniń zańsyz ainalymyna qatysy bar QR azamattary M. Beisembaev pen D. Erejepovtiń zańsyz áreketterin anyqtap, jolyn kesken.
«Atap aitqanda, 2019 jylǵy 27 naýryzda UQK departamenti ekeýin 82 kg 343 g esirtki ótkizbekshi bolǵan kezde ustady. Odan basqa, D. Erejepovtiń garajynda jáne avtomashinasynda tergeý is-qimyldary keshenin júrgizý barysynda qosymsha 32 kg 228 g marihýana men 855 g gashish alyndy. Nátijesinde jalpy salmaǵy 114 kg 571 g marihýana men 855 g gashish tárkilendi», delingen habarlamada.
20 tamyzda Shyǵys Qazaqstan oblysynyń qylmystyq ister boiynsha mamandandyrylǵan aýdanaralyq sotynyń úkimimen M. Beisembaev pen D. Erejepov QR QK 297-baby 3-bólimi boiynsha kináli dep tanylyp, 11 jylǵa bas bostandyǵynan aiyryldy.
