Shyǵys Qazaqstan oblysynyń əkimi Danial Ahmetov Zyrian qalasynda turatyn eki ardagerdi Jeńis merekesimen quttyqtap, 560 myń teńgeniń sertifikattary men led-ekrandy teledidar tabys etti, dep habarlaidy "Ult aqparat".
93 jastaǵy Anna Savychkina soǵysqa medbike retinde qatysqanyn aitady.
«Kózimizdi ashqaly eńbek etip kelemiz. Əli kúnge deiin kir-qońymdy ózim jýyp alamyn. Nemerelerimdi de solai úiretkenbiz. Al memleket bergen 500 myń teńgeni óz keregime jumsaimyn. Qazirgi jastar eńbekqor. Kóshede kórse, jasymdy syilap jatady. Sondyqtan, olardy synai berýge bolmaidy» - dedi ardager.
Oblys əkimi aǵa býynǵa degen osy qurmettiń bəri Memleket basshysynyń tikelei tapsyrmasymen júzege asyp jatqanyn atady.
Dəl osyndai qurmet maidanger Nikolai Stanskihke de kórsetildi.
«Jýyqta ǵana teledidarymyz isten shyqqan edi. Sizdiń bul syiyńyz bizge shynymen úlken qýanysh əkeldi» - dedi ardagerdiń jubaiy.
Zyrian aýdany əkiminiń orynbasary Janna Asqarovanyń aitýynsha, aýdanda 21 ardager, 61 tyl eńbekkeri bar.
«Soǵys ardagerine teńestirilgen qarttarǵa 120 myń teńgeden ótemaqy berilgen. Ózge tyl eńbekkerleri de eskerýsiz qalmaidy. Ol úshin aýdan biýdjetinen 733 myń teńge bóldik» - deidi Janna Asqarova.
