Shyǵys Qazaqstan oblystyq ákimdigi ǵimaratynda órttiń neden shyqqandyǵy belgili boldy, dep habarlaidy QazAqparat.
ShQO tótenshe jaǵdailar departamenti baspasóz qyzmetiniń málimetine súiensek, keshe Óskemen qalasyndaǵy M.Gorkii kóshesinde ornalasqan ákimdiktiń 5-qabatynda órt shyqqan.
Kóp uzamai órt sóndirýshiler jalpy aýdany 121 sharshy metrdi quraǵan qyzyl jalyndy tolyqtai aýyzdyqtap, ary qarai taralýyna jol bermedi.
«Belgili bolǵandai, májilis zalyndaǵy eden janǵan. Órttiń shyǵýyna – elektr jabdyqtarynyń apattyq rejimi sebep boldy. Qaza bolǵandar men zardap shekkender joq. Tilsiz jaýmen kúreske jeke quramnan 65 adam men 17 tehnika jumyldyrylǵan», - dep habarlady vedomstvo ókilderi.
