Qazgidromet sinoptikteri shilde aiynyń sońǵy kúnderi aýa raiy qandai bolatynyn aitty, dep habarlaidy "Ult aqparat".
"Aldaǵy kúnderi atmosferalyq fronttardyń ótýine bailanysty Qazaqstannyń basym bóliginde aýa raiy qubylmaly bolady. Batys pen soltústik-batysta jańbyr jaýady, kei jerde nóser quiady, aýa temperatýrasy aitarlyqtai tómendeidi – 17-25°S", - dep boljaidy sinoptikter.
Nur-Sultanda 30 shildede azdap jańbyr jaýyp, kún kúrkireidi. Túnde synap baǵanasy 18-20 gradýs jyly bolsa, kúndiz 28-30 gradýsqa deiin ysidy. 31 shildede aýa raiy jaýyn-shashynsyz, túnde temperatýra 17-19 gradýs nólden joǵary bolsa, kúndiz 30-32 gradýs aptap ystyq bolady. 1 tamyzda kúndiz ótkinshi jańbyr jaýady, kún kúrkireidi. Túnde aýa raiy 18-20 gradýs jyly, kúndiz 32-33 gradýs aptap ystyq bolmaq.
Almatyda seisenbi kúni túnde aýa temperatýrasy 22-24 gradýs jyly bolsa, kúndiz – 32-34 gradýs aptap ystyq. 31 shildede ótkinshi jańbyr jaýyp, kún kúrkireidi, jeldiń ekpini – 13 m/s. Túnde aýa temperatýrasy 21-23 gradýs nólden joǵary, kúndiz 33-35 gradýsqa deiin ysidy. 1 tamyzda aýa raiy jaýyn-shashynsyz, túnde – 21-23 gradýs jyly, kúndiz – 35-37 gradýs aptap ystyq.
Shymkentte 30 shildede túnde 20-22 gradýs jyly, kúndiz – 34-36 gradýs aptap ystyq. 31 shilde men 1 tamyzda aýa raiy jaýyn-shashynsyz, túnde aýa temperatýrasy 21-23 gradýs jyly, kúndiz 36-38 gradýs aptap ystyq.
Qyzylorda oblysynda 31 shildede 40 gradýstyq ystyq bolady.
Qostanai oblysynyń kei jerlerinde 31 shildede kún kúrkirep, burshaq jaýady. Ońtústik-batystan kúshti jel soǵady. Jel ekpini kúndiz kei jerlerde 18 m/s jetedi. Osy kúni tańerteń jáne kúndiz Qostanai qalasynda naizaǵai jarqyldaidy.
