Shilde aiynda qazaqstandyqtar 2400-den astam altyn quima satyp alǵan, dep habarlaidy "Ult aqparat".
Ulttyq banktiń resmi saityna jariialanǵan málimetke súiensek, bir aidyń ishinde ekinshi deńgeili bankter men jekelegen banktik emes aiyrbastaý pýnktterinen satyp alynǵan 2410 quimanyń jalpy salmaǵy 102,6 keli bolǵan.
Jalpy Ulttyq bank tazartylǵan altyn quimalardy satý jáne satyp alý baǵdarlamasyn 2017 jyly iske qosqan bolatyn. Sodan beri jalpy salmaǵy 2,2 tonna bolatyn 60 378 altyn quima satylǵan.
«Azamattarǵa altyn quimalardyń bes túri usynylady: 5, 10, 20, 50 jáne 100 gramdyq. Satyp alýshylar arasynda eń kóp suranysqa ie bolǵany – 10 gramdyq quima. Onyń jalpy satylymdaǵy úlesi 30% – 17 868 dana. Odan keiin 100 gramdyq quima – 13 417 dana (22%) jáne 20 gramdyq quima – 11 910 dana (20%), 5 gramdyq quima – 9 842 dana (16%), 50 gramdyq quima – 7 341 dana (12%). Negizinen, ólshengen quimalar Almaty, Nur-Sultan jáne Atyraý qalalarynda suranysqa ie», - dep jazady Ulttyq banktiń resmi saity.
Resmi aqparatta satyp alynǵan altyn quimany saqtaýdyń tártibi bar ekeni de aitylǵan.
«Ár quima qorǵanys elementterimen (quimalardyń aina beti, mikrotekst jáne releftiń sheti), quimalardy mehanikalyq zaqymdanýdan qorǵaityn jáne pakettiń ashylǵan-ashylmaǵanyn tekserýdi jeńildetetin arnaiy qaptamamen shyǵarylady. Qorǵanys qaptamasy, sonymen qatar, quimanyń sapa sertifikaty bola alady. Sondyqtan quimany saqtaǵanda muqiiat bolyp, oramany ashpaǵan jón», - delingen málimette.
Ulttyq bank satýǵa shyǵarǵan altyn quimalardy Halyk Bank-, «Eýraziialyq bank», Jusan Bank, «Bank TsentrKredit» siiaqty bankter men aiyrbastaý pýnktterin arqyly satyp alýǵa jáne satýǵa bolady.
