Elimizde jyl sońyna deiin aýrýhanalar ókpeni jasandy jeldetý apparatymen qamtamasyz etiledi. Bul týraly Ortalyq kommýnikatsiialar qyzmetinde ótken dárilik zattardy, meditsinalyq ónimderdi jáne ókpeni jasandy jeldetý apparattaryn óndirýge qatysty ótken brifingide aityldy, dep habarlaidy QazAqparat.
QR Indýstriia jáne infraqurylymdyq damý vitse-ministri Amaniiaz Erjanovtyń aitýynsha, qazirgi ýaqytta 3 myń dana ókpeni jasandy jeldetý apparaty kerek.
«Elordalyq «Bark Teknolodji» JShS jáne «Qazaqstan Aselsan injiniring» JShS aiyna 550 dana qurylǵy shyǵarýy kerek. Qajet bolǵan jaǵdaida Oral jáne Shymkenttegi zaýyttardy iske qosý kerek», - deidi Amaniiaz Erjanov.
Qazirgi ýaqytta Qytai men Túrkiiadan synap kórý úshin apparattar ákelindi.
«Apparattyń bir bóligi Densaýlyq saqtaý ministrligine tapsyryldy, ekinshi bóligi búgin tapsyrylady. Synaqtan jaqsy ótse kásiporyndar sondai apparat shyǵarýǵa kirisedi. «Tynys» AQ shilde sońyna deiin Densaýlyq saqtaý ministrligi men ákimdikterge 270 ókpeni jasandy jeldetý apparatyn beredi. Bul kásiporynda aiyna 500 apparat shyǵaratyn qaýqar bar. Qazaqstandyq kásiporyndar jyl sońyna deiin ókpeni jasandy jeldetetin 4 930 statsionarlyq jáne 2 695 mobildik apparat shyǵara alady», - deidi ol.
