Qazaqstanda abattandyrylǵan úilerdi alyp-satý baǵasy bir aida 1,1% qymbattady. Bul týraly QR Strategiialyq josparlaý jáne reformalar agenttigi Ulttyq statistika biýrosynan málim etti, dep habarlaidy "Ult aqparat".
Bir aida, iaǵni 2021 jylǵy shildede 2021 jylǵy maýsymǵa qaraǵanda:
- abattandyrylǵan turǵyn úilerdi alyp satý baǵasy – 1,1% ósip, bir sharshy metriniń baǵasy 339 935 teńgeni qurady;
- jańa turǵyn úilerdi satý baǵasy 0,4% qymbattap, bir sharshy metri 270 368 teńge boldy;
- abattandyrylǵan turǵyn úidi jalǵa alý 0,6% qymbattap, bir sharshy metri úshin tólem 1775 teńgeni qurady.
