Qazaqstanda ótken bir aida (2021 jylǵy shildede 2021 jylǵy maýsymǵa qaraǵanda) baǵa azyq-túlik taýarlaryna – 0,7%, azyq-túlik emes taýarlaryna – 0,5%, aqyly qyzmetterge 0,8% qymbattady. Bul týraly QR Strategiialyq josparlaý jáne reformalar agenttigi Ulttyq statistika biýrosy habarlady.
Bir jylda, iaǵni biylǵy shilde aiynda ótken jyldyń shildesimen salystyrǵanda taýarlar men qyzmetter quny 8,4%, azyq-túlik 11%, azyq-túlik emes taýarlar 7,2%, aqyly qyzmetter 6,1% ósti.
Ótken shilde aiynda ǵana (onyń aldyńǵy maýsym aiyna qaraǵanda) baǵanyń ósýi qyryqqabatqa – 12,6%, qyzylshaǵa – 9,1%, basty piiazǵa – 8,2%, kúnbaǵys maiyna – 4,2%, qus etine – 3%, qaraqumyq jarmasyna – 2,6%, jylqy etine – 2,5%, qoi etine – 2,4%, siyr etine – 2,2%, shoshqa etine, shaiǵa – 2%-dan, jumyrtqaǵa – 1,3%, qumshekerge – 1%, unǵa 0,9% belgilendi.
Temeki ónimderi – 4,1%, mineraldy jáne assý – 1,2%, alkogoldi sýsyndar – 0,8%, salqyndatylǵan sýsyndar 0,7% qymbattady.
Kerisinshe, baǵa kartopqa – 20%, qyzanaqqa – 14,8%, qiiarǵa – 11,9%, sarymsaqqa – 6,8%, banandarǵa – 2,5%, sábizge 2,2% arzandady.
Budan bólek, baǵa ósimi turmystyq aspaptarǵa – 1,7%, qurylys materialdaryna, ydysqa – 0,9%-dan, jihaz jáne úige qajetti zattarǵa – 0,6%, jýǵysh jáne tazalaǵysh quraldarǵa – 0,5%, kiim jáne aiaq kiimge, jeke qoldanylatyn taýarlarǵa 0,4%-dan qurady. Ballondaǵy súiytylǵan gaz – 2,1%, dizel otyny – 2%, benzin 0,9% qymbattady.
Sanatorii qyzmetteriniń aqysy – 1,1%, qoǵamdyq tamaqtandyrý qyzmetteri – 0,8%, keshendi demalý uiymdary – 0,7%, shashtarazdar men sulýlyq salondar qyzmetteri, qonaq úiler qyzmetteri 0,4%-dan joǵarylady.
Jolaýshylardyń áýe kóligimen jol júrý quny – 9,9%, taksige 1,2% kóterildi.
Turǵyn úi-kommýnaldyq qyzmetter salasynda tarifter elektr energiiasyna – 5%, sýyq sýǵa – 1%, sýdy burýǵa 0,7% ósti. Turǵyn úidi kútip ustaý úshin tólem 1,5% qymbattady.
