Búgin Aqmola oblysy Shýchinsk qalasyndaǵy bes qabatty qonaqúilerdiń birinde órt shyqty. Tótenshe jaǵdai ǵimarattyń birinshi qabatyndaǵy saýna bólmesinde bolǵan, dep habarlaidy ult.kz.
TJM málimetinshe, oqiǵa ornyna órt sóndirýshiler jedel jetken. Qyzyl jalyn 50 sharshy metr aýmaqta qysqa ýaqyt ishinde oqshaýlanyp, onyń basqa bólmelerge taralýyna jol berilmedi.
Órt sóndirý bólimsheleri kelgenge deiin qonaqúidiń joǵarǵy qabattarynan 24 adam, onyń ishinde eki bala ózdiginen evakýatsiialanǵan.
Abyroi bolǵanda, zardap shekkender joq. Qazirgi ýaqytta órttiń shyǵý sebebi anyqtalyp jatyr.
