Sýret: Keiipkerdiń jeke arhivinen
Búginde áleýmettik kómek alatyn kóp balaly nemese múgedektigi bar balalary bar analar kóp. Ondai áielder kóbine balasynyń ómiri úshin bárine daiyn bolady. Osyndai analarǵa áleýmettik kómek berýdi maqsat etken batyr ana Nazgúl Nasieva mundai ortamen ońaltý ortalyqtaryna baryp júrgende tapqan. Balasynyń densaýlyǵyn ońaltý úshin ońaltý ortalyqtaryna baryp júrgende kóptegen jaǵdailarǵa tap bolǵan analarmen kezdesti. Olarǵa qandai da bir áleýmettik kómek berý úshin biznestiń ideiasy keldi. Bul týraly keiipkerdiń ózi Ult.kz portalyna áńgimelep berdi.
Búginde erekshe balalardy qoǵamǵa beiimdeý úshin, olardyń kútimimen ainalysatyn analarǵa sergektik syilaý úshin «Tolaǵai» jórgekterin naryqqa shyǵaryp, qajet jandarǵa qoldaý kórsetip otyr.
«Óz balamnyń densaýlyǵyn kúsheitýge kúsh salyp, kúresip júrgende ońaltý ortalyǵynda kóptegen anamen pikirles, syilas boldyq. Sol kezde jaǵdaiy bizden de qiyn, densaýlyǵy nashar balalardy kórdim. Bul ana úshin 10 ese aýyr jan júregimmen túsinemin. Osydan keiin erekshe balalary bar analarǵa motivatsiia berý maqsatynda balalardy sapaly ónimmen qamtamasyz etkimiz keledi degen shyn peiilmen osy óndiristi bastadyq. Joldasym ekeýmiz ne de bolsa osy balalarǵa paidaly bolatyn zat shyǵaraiyq dep iske kirisip kettik.
Bizde óndiris negizinen Japoniia jáne Qytai elimen ózara kelisimshart negizinde jasalyp otyr. Kelisim shart negizindegi ónim. Biz onyń tehnologiiasyn potentsialdyq. Kásipti bastamas buryn ábden zerttedim, analarmen saýalnama júrgizdim. Kásiptegi birinshi nárse klienttiń qajettiligin qanaǵattandyrý ǵoi. Sondyqtan biz usynys berý arqyly suranysty arttyrǵymyz keldi. Usynysymyz – erekshe balapannyń analaryna jaqyn bolý.
Bizdiń ónim premiým sapaly ónim japondyq tehnologiiamen jasalǵan ónim. Bizdiń tehnologiiada óz basym 20 jórgekteri zerttegen shyǵarmyn. Ondai tehnologiiany qoldanbaidy bizde», – deidi kásipker Nazgúl Nasieva.
Aita keterligi Nazgúl Nasieva Áielder kásipkerligi akademiiasynyń (AWE) túlegi. Ol kásip jolynda únemi izdeniste júretinin jasyrmaidy. Óitkeni kásip toqtap turǵandy kótermeidi.
«Byltyr maýsym aiynda Almaty qalasyna Jambyl oblysynyń atynan forýmda spiker retinde qatystym. Óitkeni biz kásipte tek qana óndiris emes, maqsatty aýditoriiamen jumys istegimiz keldi. Sonyń nátijesinde joba retinde Astana, Almaty qalalaryna shyǵý múmkindigi týdy. Forýmǵa qatysar aldynda áleýmettik jeliden Astana halyqaralyq qarjy ortalyǵynda uiymdastyrýymen ótetin akademiia ótinimine qabyldaý júrip jatqanyn kórdim. Oilana kele baq synap kórýge bel bailadyq. 2022 jyly Kásipker áielder akademiiasynda (AWE) oqýǵa niet bildirip, oqýymdy sátti aiaqtadym. Kásipker áielder akademiiasynda belsendi oqyǵanym úshin Coca-Cola kompaniiasynyń grantyna ie boldym. Oqý protsesi quryldy. Akademiia bul jetistikpen shektelip qalmady, Marapattaý rásimi kezinde AQSh Elshiliginiń ókilderi basqa da jobalarǵa qatysýǵa múmkindikter bar ekenin habarlady. Baǵdarlamanyń arqasynda men áleýmettik kásipker retinde ýniversitetke barý múmkindigine ie boldym. Amerika Qurama Shtattary álemdik arenada inkliýziia salasyn damytatyn birinshi el, kúshti marketingtik strategiiasy bar el retinde!», – deidi kásipker.
Osylaisha keiipkerimiz baǵdarlama qatysýshysy, Ulttyq Túlekter jelisiniń múshesi bolady. Aita keteiik, biyl bastalǵan AWE baǵdarlamasy baǵdarlamanyń qazirgi túlekterimen jumys isteýge baǵyttalǵan. Sońǵy eki jylda 130-dan astam áiel baǵdarlama boiynsha oqýdy sátti aiaqtady, bul olardyń kásipkerlik bastamalaryn odan ári damytýǵa kómektesedi.
Qyrkúiek aiynda ótken AQSh-tyń Bas konsýly AWE baǵdarlamasynyń demeýshileri men qatysýshylary bas qosqan jiynda Chevron kompaniiasy da ekinshi jyl qatarynan qatysý arqyly baǵdarlamany qoldaitynyn bildirgen bolatyn.
«Biz áielderdiń ósýine, bilimderi men daǵdylaryn damytýyna múmkindikter bere otyryp, biz ult pen álemniń nyǵaiyp, tózimdi bolýyna kómektesemiz dep esepteimiz. Áielder tabysqa jetkende, otbasylar tabysqa jetip, elder gúldenedi. Biz ishki jaǵynan inkliýzivti jáne áralýan qoǵam qurýdy jalǵastyramyz. Bizde bolashaq kóshbasshy bolýǵa umtylatyn áiel qyzmetkerlerge arnalǵan birqatar damý baǵdarlamalary bar. Bizdiń áielder jumys kúshiniń jelisi myńdaǵan áielder men erlerdi qamtidy, olar jumysta jáne úide áielderdiń rólin talqylaý úshin únemi sessiialar uiymdastyrady, resýrstardy, oqytý jáne tálimgerlik múmkindikterin qamtamasyz etedi jáne ideialar men úzdik tájiribe almasý úshin mańyzdy platforma retinde qyzmet etedi. inkliýzivti jumys orny», – dep bólisti «Shevron» kompaniiasynyń Eýraziialyq bólimshesiniń adam resýrstary bóliminiń bas menedjeri Áliia Qarymsaqova.
AWE baǵdarlamasynyń Chevron seriktestigimen jalǵasýy áielderdiń biznestegi róliniń artyp kele jatqanyn jáne olardyń tabystaryn qoldaýǵa baǵyttalǵan kúsh-jigerin kórsetedi.
Osyndai iri jobalardan qoldaý alǵan keiipkerimiz Nazgúl Nasievanyń búginde kásibi dóńgelep tur. Bastamashy kásipker bul sala áleýmettik mańyzdy joba bolǵandyqtan «Tolaǵai» jórgegin brend retinde qalyptastyrýdy maqsta etip otyr. Sonymen qatar kásipker áiel, ana retinde «Tolaǵai» jórgeni nelikten tańdaý keregin bylai túsindirdi:
«Birinshisi, árine, biz maksimaldy túrde barlyq eń sapaly shikizatty qoldanamyz dep sheshtik. Árine, bul arzan dúnie emes, arzan shikizat emes. Qazir baǵanyń óziniń bizde ókinishke qarai, naryqta arzan taýar óte kóp, biraq sapasy da tómen. Sondyqtan arzan ónimge óte úirenshikti. Sol sebepti bizge premiým sapaly ónimdi shyǵarý sál qiyndaý. Sol premiým sapaly ónimge kelý úshin, árine, úlken tájiribe kerek. Tolaǵai júreginiń múmkindigi 3 ese artyq, 100 paiyz balanyń tynyshtyǵy, ananyń tynyshtyǵy mańyzdy. Ekinshiden, túnge tolyqtai shydaidy. Balaǵa eshqandai da zaqym da keltirmeidi. Eshqashan eshqandai da allergiia bermeidi. Jáne de árqashan qurǵaq bolyp keledi. Sondai bir erekshe tehnologiiany qoldandyq», – deidi kásipker Nazgúl Nasieva.
Joǵaryda atalǵan baǵdarlama biznes pen úkimettiń seriktestigi turaqty ekonomikalyq ósýdiń mańyzdy elementi bolyp tabylatyn áielderdiń kásipkerlik áleýetin damytýǵa kómektesetinin kórsetedi. Baǵdarlama aiasynda qatysýshylarǵa tálimgerlik qoldaý kórsetiledi, onlain-treningter men seminarlar uiymdastyrylady, sondai-aq Qazaqstannyń ártúrli aimaqtarynyń biznes ókilderimen kezdesýler uiymdastyrylady.
Aqbota Musabekqyzy
