Elimizde ruqsatsyz sheteldikterdiń eńbegin paidalanǵan 500 jumys berýshi jaýapqa tartyldy. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy "Ult aqparat".
Onyń atap ótýinshe, ishki ister organdary kóshi-qon zańnamasyn qasaqana buzýshylardy anyqtaýǵa baǵyttalǵan «Migrant» jedel is-sharasyn 7 maýsymnan bastap ótkizip jatyr.
«Operatsiianyń 7 kúninde tiisti ruqsatsyz sheteldik jumys kúshin paidalanǵan 500 jumys berýshi jaýapqa tartyldy. Zańsyz kóshi-qon uiymdastyrý faktisi boiynsha 18 qylmystyq is qozǵaldy», - dedi ol.
Máselen, resmi ókildiń aitýynsha, Shymkent qalasynda mektep qurylysyna 30 sheteldikti zańsyz jumysqa salý faktisi anyqtalyp otyr.
