Sheteldik jáne otandyq óndirýshiler arasynda qalyptasqan salyq diskriminatsiiasy jergilikti taýar óndirýshilerdiń iri jobalarǵa qatysý múmkindigin shektep otyr. QR Energetika ministri Maǵzum Myrzaǵaliev Úkimet otyrysynda osyndai másele kóterdi, dep habarlaidy QazAqparat.
«Otandyq taýar óndirýshilerdiń iri jobalarǵa qatysý úlesiniń tómendigi – sheteldik jáne otandyq óndirýshiler arasynda qalyptasqan diskriminatsiialyq jaǵdailarǵa bailanysty bolyp otyr. Osylaisha, iri operatorlarǵa berilgen kedendik preferentsiialar nátijesinde olar sheteldik taýarlardy qosylǵan qun salyǵyn naqty tólemei satyp ala alady. Al otandyq óndirýshilerden taýarlardy satyp alý kezinde 12% mólsherinde salyq tólenedi.
Básekege qabilettilik deńgeiin arttyrý joldarynyń biri – Salyq kodeksine ózgerister engizý. Bul ózgerister iri jobalar úshin taýarlardy jetkizý kezinde otandyq óndirýshilerdiń ishki ainalymyn qosylǵan qun salyǵynan bosatýdy qamtidy», - dedi vedomstvo basshysy.
Aitýynsha, bul shara sheteldik jáne otandyq kompaniialar arasyndaǵy jaǵdaidy teńestirýge múmkindik beredi.
«Osyǵan orai, Ulttyq ekonomika ministrligine, Qarjy ministrligine jáne «Atameken» Ulttyq kásipkerler palatasyna Energetika ministrligimen birlesip osy usynysty pysyqtaýdy tapsyrýyńyzdy suraimyn», - dedi Maǵzum Myrzaǵaliev.
