Sheteldik ǵalymdar Qazaq Prezidentiniń maqalasyn qoldaidy. Maqala negizinde qolǵa alynǵan jumystar oń nátije berip, eldiń eńsesi kóterilip, ultyq boiaý qaita qalyptasady dep senedi. Latyn qarpine kóshý zaman talaby ekenin zerttegen ǵalymdar Ońtústik Qazaqstan pedagogikalyq ýniversitetinde bas qosty, dep habarlaidy "Ult aqparat".
Ǵylymi konferentsiiaǵa Vengriia ýniversitetiniń rektory, Máskeý pedagogikalyq ýniversitetiniń professorlary, Sochidegi Moda jáne biznes ýniversitetiniń rektory jáne ózge de ǵalymdar keldi. 80 jyldyq mereitoidy toilaýdan kóri oilaýǵa kóbirek kóńil bólinipti. Elbasynyń «Bolashaqqa baǵdar: rýhani jańǵyrý» maqalasyna bailanysty qolǵa alynǵan jobalardy dóńgelek ústelderde jan-jaqty talqylaýda.
Saǵynǵali Ábýbákirov, OQMPÝ professory: «Ulttyq kod degen ne, onyń maǵynasy ne, qalai túsiný kerek, qur ánsheiin jańǵyrý demei ishki sezimmen túisiný kerek. Onyń maǵynasy tereńde jatyr. Qazaq qazaq bolǵaly tarihymyzdaǵy baiaǵy rýhani qundylyqtarǵa qozǵaý salý. Osy taqyryptarǵa bailanysty dóńgelek ústelder ótip jatyr».
Túrli sektsiialarǵa bólingen dóńgelek ústelderde talqy tarazysyna salynǵan taqyryptar aiasy da keń. Resei, Qyrǵyzstan, Túrkimenstan, Ózbekstannan kelgen ǵalymdar osy maqalaǵa orai ózderi izdenip, jazyp júrgen zertteýlerin kópshilik nazaryna usyndy. Dóńgelek ústelder pikirtalas alańyna ainaldy.
Júzimkúl Baiymbetova, filologiia ǵylymdarynyń kandidaty: «Osy dóńgelek ústel latyn qarpine kóshý týarly bolyp otyr. Kóptegen baiandamalar tyńdalýda. Stýdentterdiń arasynda qyzý taldaý bolyp jatyr. Jahandaný dáýirinde latyn qarpine kóshýdi ýaqyt talap etip otyr. Osyǵan orai kóptegen til janashyrlary ózderiniń pikirlerin aityp, zertteý jumystaryn júrgizip keledi. Kópten oilastyrylyp, qarastyrylyp, túiini sheshilgen másele».
El latyn qarpine kóship jatqanda, saýattylyqty arttyrý júgi dal osy oqytýshylarǵa túsedi. Sondyqtan da búgingi stýdent — erteńgi bolashaq ustazdardyń igiligi úshin uiymdastyrylatyn sharalardyń bastapqysy osy dep túsindik. Endigi maqsat — Elbasynyń júktegen mindetin minsiz etip jastardyń boiyna sińirý.
