20 jeltoqsanda Qazaqstan aýmaǵyna Germaniia, Italiia, Maldiv, Mysyr, Túrkiia, BAÁ, Armeniia, Ýkraina, Resei, Belarýs jáne Qyrǵyzstannan 20 halyqaralyq áýe reisi ushyp keldi, dep habarlaidy "Ult aqparat".
QR Densaýlyq saqtaý ministrligi Sanitariialyq-epidemiologiialyq baqylaý komitetiniń aqparatyna sáikes, elimizge barlyǵy 2 824 jolaýshy ushyp kelgen. Olardyń arasynda 2 461 adamda koronavirýsqa PTR-testileýdiń teris nátijesi bar anyqtama bolǵan. Anyqtamasyz 363 jolaýshy ushyp kelgen, barlyǵy – QR azamattary.
Onyń ishinde:
- Almaty qalasynyń áýejaiyna – barlyǵy 10 reis, 1 633 jolaýshy keldi, anyqtamamen – 1 490, anyqtamasyz - 143;
- Nur-Sultan qalasynyń áýejaiyna – 8 reis, 1 142 jolaýshy, anyqtamamen - 922; anyqtamasyz - 220;
- Aqtaý qalasynyń áýejaiyna – 1 reis, barlyq 31 jolaýshy anyqtamamen keldi;
- Óskemen qalasynyń áýejaiyna – 1 reis, barlyq 18 jolaýshy anyqtamamen keldi.
«Anyqtamasy bolmaǵan Qazaqstan azamattary kelgen jerleri boiynsha COVID-19-ǵa PTR-taldaý ádisimen testilendi jáne karantindik statsionarlarda óz nátijelerin kútýde.
2020 jyldyń 19 jeltoqsanynda anyqtamasyz kelgen Qazaqstannyń 237 azamatynyń PTR-taldaý nátijesi daiyn boldy, 3 jolaýshyda koronavirýs infektsiiasy anyqtaldy. Olardyń ishinde 2 jolaýshy Minsk – Nur-Sultan reisimen, 1 jolaýshy – Frankfýrkt – Nur-Sultan reisimen kelgen», - delingen aqparatta.
