1 jeltoqsan kúni Qazaqstan aýmaǵyna Germaniia, Koreia, Mysyr, BAÁ, Túrkiia, Qyrǵyzstan jáne Ózbekstannan 9 halyqaralyq áýe reisi keldi, dep habarlaidy "Ult aqparat".
«Aviajolaýshylardyń 93% astamy Qazaqstanǵa PTR-anyqtamamen kelgen. 1 237 jolaýshynyń 1 152-sinde koronavirýsqa PTR-test nátijesi bolǵan, anyqtamasyz kelgeni – 85 adam (barlyǵy QR azamattary).
Onyń ishinde:
- Almaty qalasynyń áýejaiyna - 7 reis, barlyǵy 1 023 jolaýshy, anyqtamamen - 947, anyqtamasyz - 76;
- Nur-Sultan qalasynyń áýejaiyna - 2 reis, barlyǵy 214 jolaýshy, anyqtamamen - 205, anyqtamasyz - 9.
«Anyqtamasyz kelgen Qazaqstan azamattary kelgen jeri boiynsha karantindik statsionarlarǵa ornalastyryldy jáne PTR-taldaý ádisimen COVID-19-ǵa testilendi. Barlyq 85 adamnyń test synamasy teris nátije kórsetti», - delingen QR Densaýlyq saqtaý ministrligi Sanitariialyq-epidemiologiialyq baqylaý komitetiniń aqparatynda.
