Qazaqstan aýmaǵyna shetelden kelgen el azamattary men yqtiiarhat ieleri vaktsina pasporty bolmasa, 3 kúnge oqshaýlanady. QR bas sanitar dárigeriniń jańa qaýlysyna osyndai tarmaq engizildi, dep habarlaidy "Ult aqparat".
«Qazaqstan Respýblikasynyń kelgen azamattary jáne Qazaqstan Respýblikasynyń aýmaǵynda turýǵa yqtiiarhaty bar adamdar Qazaqstan Respýblikasynda COVID-19-ǵa qarsy vaktsinatsiia alǵany týraly qujat bolmaǵan kezde PTR-test ádisimen COVID-19-ǵa zerthanalyq tekserý úshin karantindik statsionarǵa 3 táýlikke deiin oqshaýlanady. Zerthanalyq tekserý úshin material alýdy meditsinalyq-sanitariialyq alǵashqy kómek mamany júzege asyrady», - dep jazylǵan jańa Qaýlyda.
Qujat boiynsha, COVID-19-ǵa zerthanalyq tekserý nátijelerin alǵannan keiin teris nátijesi bar adamǵa COVID-19-dyń yqtimal simptomdary týraly túsindirý júrgizilip, tiisti qolhat alynady.
«COVID-19-ǵa zerthanalyq tekserýdiń oń nátijesimen kelgen adamdar infektsiialyq statsionarǵa emdeýge jatqyzylady», - dep jazylǵan Qaýly mátininde.
Atalmysh qaýly búginnen bastap kúshine endi.
